容祖兒（Joey）昨日出席珠寶系列發佈會，戴上價值超過500萬的藍寶石鑽飾，着住Deep V大露背晚裝，罕有地性感。Joey笑言為呈現珠寶美態，不能穿得太密實，當再被追問何時嫁人時，她以唱片公司同事做擋箭牌。

容祖兒身穿低胸露背晚裝，配戴價值超過500萬、以藍寶石為主石並鑲有3000粒鑽石的頸鏈，演繹英皇鐘錶珠寶主席兼行政總裁楊諾思帶領設計的高級珠寶系列。祖兒坦言，為呈現珠寶美態，不能穿得太密實，但罕有性感就令她不敢太大動作，怕晚裝會移位，雖然已做足安全措施，但都想快點完成工作。
爆泳兒最快嫁
問會否買首飾送給容媽媽？她指母親甚少佩戴如此隆重的首飾，簡單的單粒鑽石首飾或手錶較適合她。當談及祖兒出嫁時媽咪可以戴上較為名貴的首飾，她笑說：“嫁女？咁娶新抱或者大壽都可以。暫時未諗到咁多。”Joey希望自己可以設計首飾，被問到是否會留作出嫁用，她說：“呢個話題留畀公司旗下其他藝人比較適合，佢哋快過我。（邊個最快？）哈哈……筲箕兒又出場！不過冇人叫我唔好講，佢哋暗啞底都鍾意聽我講。（咁邊個最大機會結婚？阿嬌定阿Sa？）泳兒，係我自己諗，純粹個人睇法。（唔睇好自己？）唔好講我。”
讚霍汶希精力無窮
講到經理人霍汶希日前以7千萬樓換樓，購入山頂豪宅，祖兒即指現在買樓好難，能成功買樓要恭喜對方，指霍汶希好努力工作，有無窮無盡的精力，買樓獎勵自己和家人無可厚非。問祖兒又有沒有獎勵自己呢？她笑謂本身有物業，但不知有幾多，因為全由媽咪處理，她只負責賺錢供樓，但就有叫媽咪不要再買，先把手頭上的物業供完。
楊諾思表示該系列籌備了一年多，很感謝背後團隊付出的努力，並希望與祖兒合作設計珠寶。她又透露暑假會推出母子系列首飾，無意之間踢爆弟弟楊其龍12月再做爸爸，笑言弟婦肯戴上會很靚。