視帝陳豪（阿Mo）與太太陳茵媺（Aimee）昨日以夫妻檔出席新年活動。對於以夫妻檔齊開工，陳豪認為是個好開始，Aimee則表示新年大計想可以拍更多戲，同時兼顧到家庭。育有兩子一女的阿Mo，被問會否計劃生多個？Aimee聞言後感到吃驚，阿Mo亦急安撫太太，話暫時三個夠晒數。

陳豪同太太陳茵媺昨日到港島銅鑼灣時代廣場出席新年活動，阿Mo在活動中舞龍頭，低胸上陣的茵媺則舞龍珠。當日氣溫轉涼加上下着毛毛雨，夫妻二人在等待上場前依然散發出陣陣溫暖，見到太太衣着單薄，護妻心切的阿Mo貼心為茵媺披上外套，十指緊扣欣賞表演，大放恩愛閃光彈。
讚太太廚藝高超
陳豪夫妻檔受訪，適逢初七“人日”，茵媺笑說：“Happy Birthdays！”阿Mo又笑言夫妻檔齊齊為新一年開工是個好開始。談及今年未有出埠度歲原因，他說：“因為小朋友嘅假期決定留低。”茵媺亦認為留港最能讓小朋友感受新年氣氛。阿Mo又大讚太太廚藝好：“小朋友好開心，最開心係太太煮飯，佢每年都係煮聖誕同團年兩個大餐，特別係新年先會煮廣東菜，要好多功夫，上年佢仲煮盆菜，由零開始。（畀幾多分太太？）110分啦！（仲有進步空間？）只會愈做愈好，愈來愈正！”
談到狗年會否追生B？Aimee聞言即謂：“What？唔好啦！”阿Mo則笑說：“唔係生嘅問題。”茵媺聽到老公的反應，即驚呼：“What do you say？”令阿Mo亦急急安撫說：“大家冷靜啲先！最重要係照顧佢，要教育。所以暫時三個先！（暫時？即係之後會再生？）等我做埋啲功課先啦！依家日日排住隊要我做功課。”
夫妻檔闖大銀幕
問茵媺是否接下不少工作？她說：“拍廣告先，依家都傾緊活動同電影，有機會同老公合作。”阿Mo即笑說：“避咗好耐，避唔到喇！（抗拒演情侶？）站在觀眾立場，我哋演情侶係咪有點兒哪個呢？加上有荷里活影星係咁，希望我哋唔係啦！（怕鏡頭前親熱尷尬？）唔好閂後門住！睇下藝術成分有幾多囉，演員都係想將最真嘅嘢演出嚟，都希望係感動到觀眾，可能有限度咁做。”